قلات اور سوراب میں زلزلے کے جھٹکے

کوئٹہ(این این آئی) بلوچستان کے ضلع قلات اور سوراب میں زلزلے کے جھٹکے محسوس کئے گئے۔ زلزلہ پیما مرکز کے مطابق اتوار کو بلوچستان کے ضلع قلات اور سوراب کے مختلف علاقوں میں زلزلے کے جھٹکے محسوس کئے گئے جن کی شدت ریکٹر اسکیل پر 4.5ریکارڈ کی گئی جبکہ اسکی گہرائی زمین میں 25کلومیٹر تھی زلزلے کے مرکز قلات سے 13کلو میٹر دور جنوب مشرق میں تھا۔ضلعی انتظامیہ کے مطابق زلزلے کے نتیجے میں کسی بھی قسم کے جانی و مالی نقصان کی اطلاع موصول نہیں ہوئی۔