سوات میں پولیس موبائل پر ریموٹ کنٹرول دھماکہ ، 4اہلکار زخمی
سوات(ڈیلی گرین گوادر)خیبر پختونخوا کے ضلع سوات میں پولیس موبائل پر ریموٹ کنٹرول دھماکے میں چار پولیس اہلکار زخمی ہوگئے۔
پولیس ذرائع کے مطابق دہشت گردی کی یہ کارروائی مالم جبہ روڈ پر جہان آباد کے قریب کی گئی ، جہاں پر پولیس موبائل کے گزرنے پر ریمورٹ کنٹرول کے ذریعے بم چلایا گیا ، جس سے 4 پولیس اہلکار شدید زخمی ہو گئے۔
واقعہ کی اطلاع ملنے پر پولیس کی بھاری نفری جائے وقوعہ پر پہنچ گئی جنہوں نے پورے علاقے کو گھیرے میں لے کر سرچ سرچ آپریشن شروع کردیا۔پولیس کا مزید کہنا تھا کہ جائے وقوعہ سے شواہد اکٹھے کر لیے ، واقعہ کی تمام پہلوؤں سے تحقیقات کررہے ہیں۔
