اسلام آباد،بارش کے پانی میں ڈوب کر 3 بہن بھائی جاں بحق

ااسلام آباد(ڈیلی گرین گوادر)اسلام آباد میں بارش کے پانی میں ڈوب کر 3 بچے جاں بحق ہوگئے۔افسوسناک واقعہ وفاقی دارالحکومت کے تھانہ ترنول کی حدود میں پیش آیا، جہاں ایک بچہ پانی میں گرا، جبکہ 2 بچیوں نے اسے بچانے کے لیے چھلانگ لگائی، لیکن تینوں ہی زندگی کی بازی ہار گئے۔

ابتدائی طور پر عینی شاہدین کا کہنا ہے کہ بھائی کو ڈوبنے سے بچانے کے لیے دو بہنیں بھی ڈوب کر جاں بحق ہوئیں۔ ڈوبنے والے تینوں بچوں کی لاشوں کو نکال لیا گیا۔واقعے کے بعد لاشوں کو پمز اسپتال منتقل کیا گیا، جب کہ متاثرہ گھر میں بچوں کی موت کی خبر کے بعد صف ماتم بچھ گئی۔