نوشکی،راکٹ حملوں اور فائرنگ کے نتیجے میں 4افراد زخمی

نو شکی(ڈیلی گرین گوادر) نو شکی میں راکٹ حملوں اور فائرنگ کے نتیجے میں 4افراد زخمی ہو گئے۔ لیویز ذرائع کے مطابق پیر کو نو شکی کے علا قے ایف سی ہیڈ کوارٹر کے قریب راکٹ حملوں اور فائرنگ کے نتیجے میں 4افراد بی بی جویریہ،گزین،اکرم شاہ اور بلاول زخمی ہو گئے جنہیں فوری طوپر ہسپتال منتقل کر دیا گیا، واقعے کی اطلاع ملتے ہی سیکورٹی فورسز نے جائے وقوعہ کو گھیرے میں لینے کے بعد شوہدا کھٹے کر کے ملزمان کی تلاش شروع کر دی۔دریں ا ثناء نو شکی میں نامعلوم افراد دو لیویز چیک پوسٹوں پر حملہ کر کے اسلحہ لیکر فرار ہو گئے۔ لیویز حکام کے مطابق اتوار اور پیر کی درمیانی شب نوشکی کے علا قے گلنگور کے مقام پر نامعلو م افراد نے دو لیویز چیک پوسٹوں پر فائرنگ کرکے چیک پوسٹ نذر آتش کردیااورچیک پوسٹوں سے 4 کلاشنکوف، ایک بیس سیٹ اور ایک واکی ٹاکی لیکر فرار ہو گئے، لیویز حکام کے مطابق مسلح افراد نے پاک ایران ریلوے ٹریک کو دو مقام پر دھماکہ خیز مواد سے اڑا دیا، سیکورٹی فورسز کی بھا ری نفری نے جائے وقوعہ پہنچ کر علا قے کوگھیرے میں لینے کے بعد شواہد اکھٹے کر کے ملزما ن کی تلاش شروع کر دی۔