قلات،دو مختلف ٹریفک حادثات میں خاتون سمیت تین افراد جان بحق
قلات (ڈیلی گرین گوادر) قلات میں دو مختلف حادثات میں خاتون سمیت تین افراد جان بحق ہوگئے۔ قلات پولیس کے مطابق گزشتہ روز پہلا حادثہ قلات کے علاقے سنگداس کے مقام پر پیش آیا جہاں پروبکس کار کی ٹکر سے موٹر سائیکل سوار نور محمد موقع پر جان بحق ہوگیا جبکہ دوسرے حادثے میں آغا ہوٹل کے قریب قومی شاہراھ پر ٹوڈی کار کی ٹکر سے موٹر سائیکل سوار محمد یعقوب موقع پر جان کی بازی ہارگیا حادثے کے بعد کار الٹ گئی جس کے نتیجے میں کار میں سوار خاتون جان بحق ہوگئی اطلاع ملتے ہی ریسکیو ٹیمیں موقع پر پہنچ گئی اور نعشوں کو ڈی ایچ کیو پہنچا دیا جہاں ضروری کاروائی کے بعد نعشیں ورثاء کے حوالے کردیا گیا۔
