پاکستان بھر میں انٹرنیٹ سروس متاثر

اسلام آباد(ڈیلی گرین گوادر)ملک بھر میں پاکستان ٹیلی کمیونیکیشن کمپنی (پی ٹی سی ایل) کا انٹرنیٹ سسٹم ڈاؤن ہوگیا۔کراچی لاہور اسلام آباد پنڈی سمیت میں کئی شہروں میں انٹرنیٹ سروس متاثر ہے، انٹرنیٹ سروسز پی ٹی سی ایل کی فائبر آپٹک میں خرابی کے باعث تعطل کا شکار ہے۔پی ٹی سی ایل ترجمان کا اس حوالے سے کہنا ہے کہ متعلقہ ادارے اور حکام صورتحال کا جائزہ لے رہے ہیں، مسئلہ زیادہ تر عالمی ٹریفک سے متعلق ہے جبکہ مقامی نیٹ ورک کسی حد تک متاثر ہیں۔

ترجمان کا کہنا ہے کہ پی ٹی سی ایل نیٹ ورک ڈاؤن ہونے سے انٹرنیٹ سروس متاثر ہے، ہماری ٹیمز مسئلے کے فوری حل کیلئے تیزی سے کام کررہی ہیں۔واضح رہے کہ پی ٹی سی ایل سروسز ڈائون ہونے سے معمولات زندگی متاثر ہوگئی، پی ٹی سی ایل انٹرنیٹ پر کچھ ایپس کے علاوہ برائوزنگ نہیں ہورہی جبکہ بینکوں اور دیگر سرکاری دفاتر میں کا بند کردیا گیا ہے۔