الیکشن ٹریبونل میں انتخابی عذرداریوں کی سماعت،صوبائی وزیر داخلہ پرجرمانہ عائد

کوئٹہ(ڈیلی گرین گوادر)الیکشن ٹریبونل میں انتخابی عذرداریوں کی سماعت میر ضیا اللہ لانگو پر جرمانہ عائد جبکہ زرک خان مندوخیل کابیان قلم بند کرلیا گیا۔ بلوچستان ہائی کورٹ کے جج جسٹس عبداللہ بلوچ پرمشتمل الیکشن ٹریبونل نے حلقہ پی بی 42،حلقہ پی بی 40اور حلقہ پی بی 36سے متعلق انتخابی عذرداریوں کی سماعت کی۔سماعت کے دوران فریقین کی جانب سے دلائل دئیے گئے۔حلقہ پی بی 42سے ہزارہ ڈیموکریٹ پارٹی کے چیئرمین عبدالخالق ہزارہ کی جانب سے وکیل محمد ریاض پیش ہوئے اور زرک خان مندوخیل کی جانب سے نادر چھلگری پیش ہوئے سماعت کے دوران زرک خان مندوخیل کا بیان قلمبند کردیاگیا۔بعدازاں الیکشن ٹریبونل نے 5اگست تک ملتوی کردیااسی طرح حلقہ پی بی 40سے متعلق فریقین کے دلائل کے بعد الیکشن ٹریبونل نے فیصلہ محفوظ کرلیا۔ہزارہ ڈیموکریٹ پارٹی کے سیکرٹری اطلاعات و سابق رکن اسمبلی قادرنائل کی جانب سے وکیل محمد ریاض ایڈووکیٹ پیش ہوئے۔علاوہ ازیں الیکشن ٹریبونل میں حلقہ پی بی 36سے متعلق سماعت ہوئی سماعت کے دوران کامیاب امیدوار میر ضیا اللہ لانگو کی عدم حاضری پر ٹریبونل نے ایک لاکھ روپے کاجرمانہ عائد کردیا۔ ضیا اللہ لانگو کی جانب سے سلیم لاشاری ایڈووکیٹ پیش ہوئے سردار زادہ سعید لانگو کی جانب سے سید اکرم شاہ ایڈووکیٹ پیش ہوئے عدالت نے کہا کہ اگلے پیشی پر ضیا لانگو پیش نہ ہوئے تو ان سے یہ حق ختم کردیا جائے گا عدالت نے 2اگست تک ملتوی کردیا۔