پاکستان میں رجسٹرڈ افغان مہاجرین کے قیام میں ایک سال کی توسیع
اسلام آباد(ڈیلی گرین گوادر)وفاقی حکومت نے پاکستان میں رجسٹرڈ افغان مہاجرین کے قیام میں ایک سال کی توسیع کردی اور وزارت سیفران نے افغان مہاجرین کی رجسٹریشن کارڈ کی مدت میں توسیع کا نوٹی فکیشن جاری کردیا۔ نوٹی فکیشن میں کہا گیا ہے کہ توسیع کا اطلاق یکم جولائی 2024 سے 30 جون 2025 تک ہوگا۔
پی او آر میں توسیع کا اطلاق پاکستان میں قانونی طور پر مقیم رجسٹرڈ افغان مہاجرین پر ہوگا، رجسٹرڈ افغان مہاجرین کے لیے رجسٹریشن کارڈ کی مدت 30 جون 2024 کو ختم ہوگئی تھی۔پاکستان میں رجسٹرڈ افغان مہاجرین کی تعداد تقریبا ساڑھے 14 لاکھ ہے۔
