پشین،سی ڈی ٹی کی گاڑی پر ریموٹ کنٹرول بم حملہ، 3اہلکاروں سمیت6افراد زخمی

پشین(ڈیلی گرین گوادر) بلوچستان کے علاقے پشین میں سی ڈی ٹی کی گاڑی پر ریموٹ کنٹرول بم حملے میں 3اہلکاروں سمیت6افراد زخمی ہوگئے۔ پولیس کے مطابق جمعہ کو پشین کے علاقے میں میں نامعلوم افراد نے سڑک کے کنارے نصب ریموٹ کنٹرول بم کے ذریعے سی ٹی ڈی کے ایس ایچ او چوہدری اصغر کی گاڑی کو نشانہ بنایا جس کے نتیجے میں 3پولیس اہلکاروں سمیت6افرادزخمی ہوگئے تاہم ایس ایچ او چوہدری اصغر معجزانہ طور پر محفوظ رہے دھماکے کے بعد ایف سی اور پولیس کی بھاری نفری موقع پر پہنچ گئی اورعلاقے کو گھیرے میں لیکرزخمیوں کو فوری طورپرہسپتال منتقل کردیا۔دھماکے سے پولیس کی گاڑی کو شدید نقصان پہنچا پولیس مزید کاررروائی کررہی ہے۔