پسنی،ایران کی جانب سے بجلی کی بندش،غیر اعلانیہ لوڈ شیڈنگ کے خلاف شٹر ڈاؤن ہڑتال

گوادر (ڈیلی گرین گوادر)پسنی ایران کی جانب سے بجلی کی بندش،اعلانیہ و غیر اعلانیہ لوڈ شیڈنگ کے خلاف شٹر ڈاؤن ہڑتال،عوام سراپا احتجاج،مین شاہراہ بلاک،کیسکو کے خلاف شدید نعرے بازی۔تفصیلات کے مطابق پسنی میں ایران کی جانب بجلی کی بندش و اعلانیہ و غیر اعلانیہ لوڈشیڈنگ کے خلاف مکمل شٹر ڈاؤن ہڑتال، شہریوں کی جانب مین شاہراہ بلاک کرکے احتجاج جاری ہے شہریوں کا شکوہ ہے کہ شدید گرمی میں بجلی جی بندش و غیر اعلانیہ لوڈ شیڈنگ نے زندگی اجیرن کردی ہے، بجلی نہ ہونے کے باوجود بھاری بل بھیجے جاتے ہیں جس سے ہماری پریشانی میں مزید اضافہ ہوگیا ہے۔شہریوں نے شکوہ کیا ہے کہ لوڈ شیڈنگ کا کوئی وقت اور دورانیہ مقرر نہیں ہے، دن میں 8 سے 9 گھنٹے لوڈشیڈنگ کے علاوہ بار بار بجلی جاتی ہے، اپنی مرضی سے کبھی ایک گھنٹہ تو کبھی دو گھنٹہ بجلی بحال کرنے کے بعد دوبارہ بند کردی جاتی ہے۔