آواران میں 5بچے پانی میں ڈوب کر جاں بحق

آواران(ڈیلی گرین گوادر) آواران میں 5بچے پانی میں ڈوب کر جاں بحق ہوگئے۔ ڈپٹی کمشنر آواران انجینئر عائشہ زہری کے مطابق آواران کی تحصیل جھاؤ میں پانی میں نہاتے ہوئے پانچ بچے جاں بحق ہوگئے جن کی عمریں 8 سے بارہ سال کے درمیان ہیں، ڈپٹی کمشنر آواران انجینئر عائشہ زہری نے واقعہ کی تصدیق کرتے ہوئے بتایا کہ 12 بچے پانی میں نہانے گئے تھے جن میں سے پانچ بچے نہاتے ہوئے جہاں بحق ہوگئے، جاں بحق ہو نے والے والوں میں تین سگی بہنیں اور دو بہن بھائی شامل ہیں، ریسکیو حکام نے لاشوں کو تحویل میں لیکر ہسپتال منتقل کر دیا جہاں ضروی کارروائی کے بعد لاشیں ورثاء کے حوالے کر دی گئیں مزید کارروائی جا ری ہے۔