سوات کی تحصیل مٹہ میں نجی اسکول کی چھت گر گئی ، 19 بچے زخمی

سوات(ڈیلی گرین گوادر)سوات کی تحصیل مٹہ میں نجی اسکول کی چھت گرنے کے نتیجے میں 19 بچے زخمی ہو گئے۔پولیس کے مطابق واقعہ مٹہ کے علاقے ٹانگار سیرئی میں پیش آیا ، اطلاع ملتے ہی اسکول میں امدادی کارروائیاں شروع کرکے بچوں کو طبی امداد کے لیے اسپتال منتقل کر دیا گیا ہے۔

ریسکیو ذرائع کا کہنا ہے کہ اسکول پہاڑی علاقے میں واقع ہے جس کے کچھ کمروں کی چھت کچی تھی جس میں سے نرسری کے بچوں کے کمرے کی چھت گری، حادثے میں کئی بچے شدید زخمی ہوئے ہیں جنہیں تشویشناک حالت میں سیدو شریف اسپتال منتقل کیا گیا ہے۔ریسکیو ذرائع نے بتایا کہ زخمی ہونے والے بچوں کی عمریں 5 سے 6 سال کے درمیان ہیں۔