ایف سی بلوچستان (نارتھ) نے ایرانی ڈیزل سے بھرے دو ٹرک تحویل میں لے لیے
کوئٹہ(ڈیلی گرین گوادر)ایف سی بلوچستان (نارتھ)نے ایرانی تیل کی اسمگلنگ کی بڑی کوشش ناکام بنا دی۔ایف سی بلوچستان کی جانب سے مانجھو شوری کے مقام پر سمگلنگ کے خلاف کامیاب کارروائی کی گئی، کارروائی میں ایرانی ڈیزل سے بھرے دو ٹرک قبضے میں لیے گئے۔ اِن گاڑیوں میں تقریب 24000 لیٹر ڈیزل مستونگ سے جیکب آباد سمگل کیا جارہا تھا۔ ایف سی حکام نے ضروری کارروائی کے بعد گاڑیاں کسٹمز حکام کے حوالے کردی گئیں دوسری جانب ایف سی بلوچستان (نارتھ) نے قلعہ عبداللہ اور سرانان یارو کے راستے میں غیر قانونی اشیا کی سمگلنگ کی ایک اور کوشش کو ناکام بنادیا۔ اسمگل کردہ اشیا میں سگریٹ، چھالیہ اور کپڑا شامل ہیں۔ سمگل کردہ سامان کی مالیت 130 ملین ہے جسے کسٹمز حکام کے حوالے کیا جارہا ہے۔
