چکوال، موٹروے پر حادثہ، 4 افراد جاں بحق

چکوال(ڈیلی گرین گوادر) چکوال کے قریب موٹروے پر گیس باوزر ڈیوائڈر توڑ کر مخالف سمت سے آنے والی گاڑی سے ٹکرا گیا، حادثے میں 4 افراد جاں بحق ہوگئے۔موٹروے پولیس کے مطابق تصادم کے بعد مخالف سمت سے آنے والی گاڑی اور گیس باؤزر گہری کھائی میں جا گرے۔موٹروے پولیس کے مطابق حادثے کی اطلاع ملتے ہیں موٹروے پولیس اور ریسکیو ٹیمیں جائے وقوعہ پر پہنچ گئیں۔پولیس ذرائع کے مطابق حادثے کا شکار ہونے والی کار میں ایک ہی فیملی کے 4 افراد سوار تھے ،جن میں ایک بچہ بھی شامل تھا۔پولیس ذرائع کے مطابق چاروں افراد کی لاشیں آگ لگنے سے جھلس گئی ہیں۔