لکی مروت،سیکیورٹی فورسز کی گاڑی آئی ای ڈی سے ٹکرا گئی،کیپٹن سمیت 7 جوان شہید
لکی مروت(ڈیلی گرین گوادر)لکی مروت میں سیکیورٹی فورسز کی گاڑی آئی ای ڈی سے ٹکرا گئی جس کے نتیجے میں کیپٹن سمیت 7 جوان شہید ہوگئے۔آئی ایس پی آر کے مطابق شہید ہونے والوں میں کیپٹن محمد فراز الیاس، صوبیدار میجر محمد نذیر، لانس نائیک محمد انور، لانس نائیک حسین علی، سپاہی اسد اللہ، سپاہی منظور حسین، سپاہی راشد محمود شامل ہیں۔
آئی ایس پی آرنے مزید کہا گھناؤنے فعل کے ذمے داروں کو انصاف کے کٹہرے میں لایا جائے گا،ہمارے بہادر جوانوں کی ایسی قربانیاں ہمارے عزم کو مزید مضبوط کرتی ہیں۔علاقے میں ممکنہ دہشتگردوں کے خاتمے کیلئے سرچ آپریشن جاری ہے،پاکستان کی سکیورٹی فورسز ملک سے دہشتگردی کی لعنت کے خاتمے کیلئے پر عزم ہیں۔
