شمالی بلوچستان اوربالائی خیبرپختونخوامیں گرج چمک کے ساتھ بارش کا امکان

اسلام آباد(ڈیلی گرین گوادر)گلگت بلتستان، شمالی بلوچستان اور بالائی خیبرپختونخوامیں آندھی /جھکڑ چلنے کے علاوہ چند مقامات پر گرج چمک کے ساتھ بارش کا امکان ہے۔آئندہ 24 گھنٹوں کے دوران ملک کے بیشترعلاقوں میں موسم گرم جبکہ جنوبی علاقوں میں شدید گرم رہنے کے ساتھ گرد آلود ہوائیں /جھکڑ چلنے کا امکان ہے۔محکمہ موسمیات کے مطابق گذشتہ 24 گھنٹوں کے دوران ملک کے بیشتر میدانی علاقے شدید گرمی کی لپیٹ میں رہے۔ تاہم شمالی بلوچستان، گلگت بلتستان، اسلام آباد اور خطہ پوٹھوہارمیں تیز ہواوں اور گرج چمک کے ساتھ چند مقامات پر بارش/ بونداباندی ہوئی۔ سب سے زیادہ بارش بلوچستان: بارکھان 06، گلگت بلتستان: اسکردو 04، بگروٹ، استور 03، گلگت 01، پنجاب: مری میں01 ملی میٹر بارش ریکارڈ ہوئی۔ہفتہ کو ریکارڈ کیے گئے زیادہ سے زیادہ درجہ حرارت: تربت، سبی48، جیکب آباد، لسبیلہ، اوکاڑہ، پسنی47، بھکر، خیرپور، نورپور تھل، قصور، ڈی آئی خان، فیصل آباد، گوجرنوالہ، جھنگ، منڈی بہاولدین، موہنجوداڑواور سرگودھا میں 46 ڈگری سینٹی ریکارڈ کیا گیا۔