خیبرپختونخوا حکومت وہی کرے گی جو وفاق کہے گا،رانا ثنا اللہ

اسلام آباد(ڈیلی گرین گوادر)وزیراعظم شہباز شریف کے مشیر رانا ثنا اللہ نے کہا ہے کہ خیبرپختونخوا حکومت وہی کرے گی جو وفاق کہے گا۔

رانا ثنا اللہ کا کہنا تھا کہ وزیر اعلی خیبرپختونخوا تیس مار خان ہے، علی امین گنڈا پور ہوائی فائرنگ کر رہا ہے کرنا کچھ بھی نہیں، کے پی حکومت وہی کرے گی جو وفاق کہے گا۔ان کا کہنا تھا کہ اگر پی ٹی آئی سے اسٹیبلشمنٹ بات کرنا چاہتی ہے تو کرے ہم نے کب روکا ہے، پی ٹی آئی کا جھگڑا شروع سے ہی اسٹیبلشمنٹ سے ہے۔

لیگی رہنما کا کہنا تھا کہ پی ٹی آئی اپنے دور حکومت میں اپوزیشن کو ختم کرنا چاہتی تھی، جب ان کا اسٹیبلشمنٹ نے ساتھ نہ دیا تو کہنے لگے کہ میر جعفر اور میر صادق ہیں، پی ٹی آئی کا جھگڑا یہی ہے اسٹیبلشمنٹ ملکی نظام و سیاست میں مداخلت کرے۔رانا ثنا اللہ نے مزید کہا کہ عمران خان کی تصویر دیکھ کر لگ رہا ہے جیل میں سب کچھ مل رہا، ممنوعہ چیز بھی مل رہی ہے۔