کراچی ایئر پورٹ سے روڈ ٹو مکہ پراجیکٹ کا افتتاح

کراچی(ڈیلی گرین گوادر)گورنر سندھ کامران ٹیسوری اور سعودی حکام نے کراچی ایئر پورٹ سے روڈ ٹو مکہ پراجیکٹ کا باقاعدہ افتتاح کردیا۔واضح رہے کہ چند روز قبل 44 رکنی سعودی وفد شہر قائد پہنچا تھا۔ مذکورہ منصوبے کے تحت وفد عازمین حج کو کراچی ہوائی اڈے پر سعودی امیگریشن سہولیات فراہم کرے گا۔

تفصیلات کے مطابق گورنر سندھ کامران ٹیسوری نے سعودی حکام کے ہمراہ منصوبے کا افتتاح کیا۔ اس موقع پر چیئرمین سعودی پاسپورٹ اینڈ امیگریشن لیفٹیننٹ جنرل سلیمان بن عبدالعزیز بھی موجود تھے جبکہ پاکستان میں تعینات سعودی سفیر نے خصوصی شرکت کی۔