لاہور، گیس لیکج کے باعث دھماکا، 3 افراد زخمی
لاہور(ڈیلی گرین گوادر) لاہور کے علاقے جنوبی چھاؤنی میں گیس لیکج کے باعث دھماکے سے 2 افراد زخمی ہوگئے۔جنوبی چھاؤنی کے علاقے میں نجی سوسائٹی میں گیس لیکج سے اچانک دھماکا ہوا۔ریسکیو حکام کے مطابق دھماکے سے گھر کے کچن میں موجود 3 افراد زخمی ہوگئے جنہیں طبی امداد کی فراہمی کے لیے فوری طور پر قریبی ہسپتال منتقل کردیا گیا۔پولیس کے مطابق گیس لیکج کا دھماکا گھر کی دوسری منزل پر ہوا اور اس کے باعث قریبی گھروں کے شیشے بھی ٹوٹ گئے۔
