سردست وفاق اورصوبوں کے درمیان خوشگوار تعلقات قائم ہیں،گورنر بلوچستان

کوئٹہ (ڈیلی گرین گوادر)گورنر بلوچستان ملک عبدالولی خان کاکڑ سے وزیراعلیٰ بلوچستان میر سرفراز احمد بگٹی نے جمعرات کے روز گورنر ہاوس کوئٹہ میں رسمی ملاقات کی۔ملاقات کے دوران خطے میں رونما ہونے والی سیاسی و معاشی تبدیلیوں، وفاق اور صوبوں کے درمیان خوشگوار تعلقات، صوبے میں جاری ترقیاتی منصوبوں سمیت باہمی دلچسپی کے امور پر تبادلہ خیال کیا گیا. اس موقع پر گورنر بلوچستان ملک عبدالولی خان کاکڑ نے کہا کہ سردست وفاق اور صوبوں کے درمیان خوشگوار تعلقات قائم ہیں اور باہمی تعلقات کو مضبوط اور مستحکم بنانے کیلئے مزید اقدامات اٹھانے کے اشد ضرورت ہے. انہوں نے موجودہ حکومت کے عوام دوست اقدامات کو سراہتے ہوئے کہا کہ موجودہ حکومت کے تعاون سے بلوچستان کے مختلف اضلاع میں صحت اور تعلیم کے شعبوں میں فراہم کردہ مختلف منصوبے خراجِ تحسين کے مستحق ہیں۔