سوات میں زلزلے کے جھٹکے، لوگوں میں خوف و ہراس

سوات (ڈیلی گرین گوادر)سوات، مینگورہ اور گرد و نواح میں زلزلہ، لوگوں میں خوف و ہراس پھیل گیا، نقصان کی اطلاع نہیں ملی۔زلزلہ پیما مرکز کے مطابق ریکٹر اسکیل پر زلزلے کی شدت 4.4 ریکارڈ کی گئی، زلزلے کی گہرائی 142 کلو میٹر اور مرکز کوہ ہندوکش ریجن تھا۔

زلزلے کے بعد لوگ کلمہ طیبہ کا ورد کرتے ہوئے گھروں سے باہر نکل آئے تاہم زلزلے سے کسی جانی اور مالی نقصان کی اطلاع نہیں ملی۔واضح رہے کہ ایک ہفتہ پہلے بھی سوات کے مختلف علاقوں میں زلزلے کے جھٹکے محسوس کئے گئے تھے۔