مسافروں کا قتل غیر انسانی فعل اور ناقابل معافی جرم ہے : میر سرفراز بگٹی
کوئٹہ(ڈیلی گرین گوادر) وزیراعلی بلوچستان میر سرفراز بگٹی نے کہا ہے کہ مسافروں کا قتل غیر انسانی فعل اور ناقابل معافی جرم ہے۔واقعے میں ملوث دہشت گردوں کو معاف نہیں کیا جائے گا مسافروں کا قتل غیر انسانی فعل، ناقابل معافی جرم ہے دہشت گردوں کو ان کے منطقی انجام تک پہنچایا جائے گا نہتے اور معصوم افراد پر بزدلانہ حملوں میں ملوث دہشت گردوں کا پیچھا کریں گے دہشت گردوں کا قلع قمع کرکے دم لیں گے دہشت گردوں کو چھپنے کی جگہ نہیں ملے گی آخری کونے تک پیچھا کریں گے انہوں نے کہا ہے کہ امن کے دشمن ملک کے دشمن ہیں دہشت گردی کے واقعات کا مقصد بلوچستان کے امن کو ثبوتاژ کرنا ہے دہشت گرد ی کے خلاف ریاست اپنا کردار ادا کرے گی وزیر اعلی بلوچستان کی جاں بحق افراد کے اہل خانہ سے تعزیت کا اظہار، دہشت گردوں کو کیفر کردار تک پہنچانے کا عزم بلوچستان کے ضلع نوشکی میں نامعلوم عسکریت پسند پنجاب سے تعلق رکھنے والے 9 مسافروں سمیت 11 افراد کو قتل کرنے کے بعد فرار ہو گئے تھے