کان مہترزئی کے مقام پر متوقع برف باری اور بارش کے پیش نظرغیر ضروری سفرسے گریز کریں، طاہر علاؤدین

کوئٹہ(ڈیلی گرین گوادر) ڈی آئی جی نیشنل ہائی ویز اینڈ موٹروے پولیس ویسٹ زون طاہر علاؤدین نے کہا ہے کہ خانوزئی اور کان مہترزئی کے مقام پر متوقع برف باری اور بارش کے پیش نظر شہریوں سے درخواست ہے کہ غیر ضروری سفر سے گریز کریں اپنا سفر دن کی روشنی میں مکمل کر کے سورج ڈھلنے سے پہلے اپنے منزل مقصود تک پہنچ جائیں۔ اپنے ایک بیان میں انہوں نے کہاکہ دوران سفر تیز رفتاری سے پرہیز کریں اور اگلی گاڑی سے مناسب فاصلہ معمول سے زیادہ رکھیں سفر شروع کرنے سے پہلے موٹروے پولیس ہیلپ لائن 130 سے معلومات حاصل کی جا سکتی ہیں اس کے علاوہ نیشنل ہائی ویز اینڈ موٹروے پولیس کے افیشل سوشل میڈیا اکاؤنٹ سے بھی تازہ ترین معلومات حاصل کی جا سکتی ہیں۔