پیپلزپارٹی کی سینٹرل ایگزیکٹو کمیٹی کا اجلاس، حکومت سازی کی مختلف تجاویز پرغور

اسلام آباد(ڈیلی گرین گوادر)پاکستان پیپلزپارٹی پارلیمنٹرینز کے صدر آصف علی زرداری اور چیئرمین پی پی پی بلاول بھٹو زرداری کی سربراہی میں سینٹرل ایگزیکٹو کمیٹی کا اجلاس ہوا۔

اجلاس میں پیپلزپارٹی کی سینٹرل ایگزیکٹو کمیٹی کے تمام ارکان شریک ہوئے، پیپلزپارٹی کی سینٹرل ایگزیکٹو کمیٹی کے اجلاس میں پی پی پی شعبہ خواتین کی مرکزی صدر فریال تالپور بھی شریک ہوئیں، اجلاس کا آغاز شہدائے جمہوریت کو خراج عقیدت پیش کرنے سے ہوا۔

پیپلزپارٹی کی سینٹرل ایگزیکٹو کمیٹی کے ارکان نے صدر پی پی پی پی آصف علی زرداری اور چیئرمین پی پی پی بلاول بھٹو زرداری کی قیادت پر اعتماد کا اظہار کیا، اجلاس میں عام انتخابات اور اس کے حوالے سے عوام کے ردعمل پر بات چیت ہوئی۔

پیپلزپارٹی کی سینٹرل ایگزیکٹو کمیٹی کے اجلاس میں عام انتخابات کے بعد ملک کے مستقبل کے حوالے سے بھی گفتگو ہوئی، اجلاس میں مسلم لیگ ن کی تجاویز پر مشاورت، حکومت سازی کی تجاویز پر غور، ملکی سیاسی اور معاشی صورت حال پر تبادلہ خیال کیا گیا۔سینٹرل ایگزیکٹو کمیٹی کے اجلاس میں ارکان کی جانب سے ملک کی سیاسی، معاشی اور حکومتی صورت حال کے حوالے سے مختلف تجاویز پیش کی گئیں۔