تربت،نامعلوم افراد کاپولنگ اسٹیشن گورنمنٹ گرلز اسکول ڈنک پر حملہ
تربت (ڈیلی گرین گوادر) تربت تا مند شاہراہ پر مسلح افراد نے ناکہ بندی کردی، نامعلوم افراد کاپولنگ اسٹیشن گورنمنٹ گرلز اسکول ڈنک پر حملہ کو ئی جانی نقصان نہیں ہوا۔ ذرائع کے مطابق بدھ کی شب تربت تا مند شاہراہ پر مسلح افراد کی بڑی تعداد نے ناکہ بندی کر کے گاڑیوں کی چیکنگ شروع کر دی بعد ازاں تربت میں پولنگ اسٹیشن گورنمنٹ گرلز اسکول ڈنک میں نامعلوم افراد نے پولنگ اسٹیشن پر 2دستی بم پھینکے گئے جن میں سے ایک بم زوردار دھماکے سے پھٹ گیاجبکہ دوسرا بم نہیں پھٹ سکا جسے ناکارہ بنا دیاگیا تاہم دھما کے کے نتیجے میں کوئی جانی نقصان نہیں ہوا۔ ذرائع کے مطابق تمپ، مند اور بلیدہ میں فائرنگ کی آوازیں بھی سنی گئی۔واقعے کی اطلاع ملتے ہی سیکورٹی فورسز کی بھا ری نفری نے جائے وقوعہ پہنچ کر علا قے کو گھیرے میں لینے کے بعد شوہد اکھٹے کر کے مزید تحقیقات شروع کردی۔
