ایس ایچ اوتھل نے گرفتار موٹر سائیکل لفٹروں سے ایک اور چوری شدہ موٹر سائیکل برآمد کرلی

اوتھل (ڈیلی گرین گوادر) ایس ایچ او اوتھل جان محمد جاموٹ نے گرفتار موٹر سائیکل لفٹروں سے ایک اور چوری شدہ موٹر سائیکل برآمد کرلی۔ لسبیلہ پولیس کے ترجمان کی پریس ریلیز کے مطابق ایس ایس پی لسبیلہ کیپٹن (ر) نوید عالم کی خصوصی ہدایت پر ایس ایچ او اوتھل جان محمد جاموٹ نے موٹر سائیکل چوری کے مقدمات نمبر 02/2024, 03/2024, 04/2024 اور 05/2024 بجرم 381 اے،34 ت پ تھانہ اوتھل میں ملوث مطلوب ملزمان حبیب اللہ ولد ربنواز اور عرفان ولد اللہ ڈنہ ساکنان کھیر گولائی اوتھل کو مورخہ 24-01-2024 کو پیشہ ورانہ صلاحیتوں کو بروئے کار لاتے ہوئے گرفتار کیا تھااور ملزمان کے قبضہ سے اوتھل کے مختلف مقامات سے چوری شدہ تین یوینک موٹر سائیکلز برآمد کیں تھیں جبکہ مقدمہ نمبر 05/2024 میں سرقہ شدہ موٹر سائیکل سپر پاور رجسٹریشن نمبر KKW-2014 کے متعلق ٹال مٹول سے کام لے رہے تھے لیکن اوتھل پولیس کی باریک بینی سے کی گئی تفتیش کے نتیجہ میں گرفتار ملزمان کے اعتراف جرم و انکشاف پر موٹر سائیکل سپر پاور کو بھی برآمد کرلیاگیا۔گرفتار ملزمان سے مزید تفتیش جاری ہے۔