چیئرمین سینٹ صادق سنجرانی سے سردارعمر گورگیج کی ملاقات، باہمی دلچسپی کے امور پر تبادلہ خیال

کوئٹہ(ڈیلی گرین گو ادر) چیئرمین سینٹ میرصادق خان سنجرانی نے جمعہ کو پاکستان پیپلز پارٹی کے صوبائی سینئر نائب صدر و سابق وفاقی وزیر الحاج سردار محمد عمر گورگیج سے گورگیج ہاوس کوئٹہ میں ملاقات کی۔ اس موقع پر سینیٹر میر نصیب اللہ بازئی، بلوچستان اسمبلی کے حلقہ پی بی 40سے امیدوار سردارزادہ صمد خان گورگیج،پیپلز پارٹی کے کونسلر سردار ذادہ دودا خان گورگیج،سردار ذادہ بالاچ خان گورگیج،سردار ذادہ قادر خان گورگیج، ثنا اللہ دانش گورگیج اور دیگر بھی موجود تھے۔ ملاقات کے دوران چیئرمین سینٹ میرصادق سنجرانی نے سابق وفاقی وزیر سردار عمر گورگیج کی خیریت دریافت کی اور باہمی دلچسپی کے امور پر تبادلہ خیال کیا گیا۔