عام انتخابات کی صاف و شفاف انعقاد نگران صوبائی حکومت کی اہم ذمہ داری ہے،چیف سیکرٹری بلوچستان
کوئٹہ(ڈیلی گرین گوادر) چیف سیکرٹری بلوچستان شکیل قادر خان نے جمعہ کے روز سول سیکرٹریٹ آئی ٹی ڈیپارٹمنٹ میں قائم الیکشن کنٹرول روم کا دورہ کیا۔ صوبائی الیکشن کمشنر محمد فرید آفریدی، ایڈیشنل چیف سیکرٹری داخلہ ذاہد سلیم، سیکرٹری لوکل گورنمنٹ نور احمد پرکانی، سیکرٹری فنانس بابر خان، سیکرٹری ایس اینڈ جی اے ڈی سید فیصل احمد بھی ان کے ہمراہ تھے۔ اس موقع پر چیف سیکرٹری نے کنٹرول روم کا معائنہ کرتے ہوئے کہا کہ عام انتخابات کی صاف و شفاف انعقاد نگران صوبائی حکومت کی اہم زمہ داری ہے اور نگران صوبائی حکومت انتخابات منعقد کرنے کے لیے مکمل طور پر تیار ہے۔ انہوں نے کہا کہ پولنگ کے دن جن اسٹیشنز پر پولنگ ختم ہوتی ہے یا ووٹنگ کا عمل شروع ہو ان کا ڈیٹا کنٹرول روم کی سکرین پر ظاہر کیا جائے اور تمام ڈویژنز کی انتہائی حساس، حساس اور نارمل پولنگ سٹیشنز کی لوکیشن کنٹرول روم کی سکرین پر دینے کی ہدایت کی۔ انہوں نے کہا کہ QRF ڈیٹا کوآرڈینیٹ/نقشے میں ظاہر کیا جائے جیسا کہ چاغی/ واشک/ اسے پورے صوبے تک پھیلانے کی ہدایت کی۔ انہوں نے بیلٹ پیپرز کی نقل و حمل کے لیے اضلاع کی سطح پر ہنگامی منصوبہ مکمل کرنے اور عام انتخابات کے لیے سرکاری ملازمین کی تربیت جلد سے جلد مکمل کرنے کی ہدایت کی۔ اس موقع پر چیف سیکرٹری کو تفصیلی بریفنگ دیتے ہوئے بتایا گیا کہ صوبائی کنٹرول روم، ایمرجنسی کنٹرول سنٹر S&IT ڈیپارٹمنٹ میں قائم ہے۔ سپیشل سیکرٹری ہوم کو صوبائی کنٹرول روم کے مجموعی انچارج کے طور پر تعینات کیا گیا ہے۔ بریفنگ میں مزید بتایا گیا کہ محکمہ داخلہ کے چار ایڈیشنل سیکرٹریز کو کنٹرول روم سیف سٹی ایس اینڈ آئی ٹی ڈیپارٹمنٹ (آرڈرز کے ذریعے) میں ہر ایک کو 2 ڈویژن تفویض کیے گئے ہیں اور انتخابات کی سیکیورٹی کے لیے پولیس، لیویز، آرمی اور ایف سی کمیونیکیشن ونگ کے اہلکاروں کو تعینات کیا گیا ہے۔ الیکشن، 2024 (7، 8 اور 9 فروری کو 24/7) وقت کی نگرانی کے لیے سائنس اور آئی ٹی ڈیپارٹمنٹ سے چار آئی ٹی ماہرین کو تعینات کیا گیا ہے، کنٹرول روم کا مقصد انتخابات کے عمل کے لیے فراہم کی جانے والی مجموعی سیکیورٹی کی نگرانی کرنا ہے۔ بریفنگ میں کہا گیا کہ تمام متعلقہ قانون نافذ کرنے والے ادارے (پولیس، لیویز، ایف سی، اور آرمی) کے ساتھ رابطہ قائم کریں گے اور کسی بھی ہنگامی صورتحال میں اسٹیک ہولڈرز اور متعلقہ حکام کو بروقت معلومات فراہم کریں گے۔ مختلف مقامات پر بیلٹ پیپر کی ایئرلفٹ/ٹرانسپورٹ کی نگرانی کیا جائے گا اور پولنگ سٹیشنوں تک حساس مواد کی بلک بریکنگ کے بارے میں اعلیٰ حکام کو مطلع کرنا ہے۔
