مسلم لیگ (ن) کارگرگی کی بنیاد پر الیکشن میں کامیابی حاصل کریگی، شیخ جعفر خان مندوخیل

ژوب (ڈیلی گرین گوادر) پاکستان مسلم لیگ (ن)کے صوبائی صدر شیخ جعفر خان مندوخیل نے کہا ہے کہ 8 فروری کا سورج کامیابی کی نوید لے کر طلوع ہوگا، مسلم لیگ (ن) کارگرگی کی بنیاد پر الیکشن میں کامیابی حاصل کریگی۔یہ بات انہوں جانان ہاؤس ژوب اور دیگر علاقوں میں شمولیتی تقاریب سے خطاب کرتے ہوئے کہی۔ انہوں نے کہاکہ عام انتخابات میں کارگرگی کی بنیاد پر کامیابی حاصل کرینگے،پاکستان مسلم لیگ (ن)ملکی معیشت کو بحال کرنے میں اہم کردار ادا کریگی، آئندہ انتخابات میں مسلم لیگ (ن)بلوچستان اور مرکز سمیت دیگر صوبوں میں کامیابی حاصل کریگی۔ انہوں نے کہا کہ آئندہ انتخابات میں عوام بڑھ چڑھ کر حصہ لے اور 8 فروری کو شیر پر مہر پر ٹھپہ لگا کر ترقی یافتہ ژوب کا ثبوت دیں۔انہوں نے کہاکہ ژوب میں میگا پراجیکٹس ہمارے دور حکومت مکمل ہوئے ترقی یافتہ ژوب ہمارا مشن ہے۔