لورالائی، پولیس کی کاروائی اندھے قتل کیس کا ملزم 24 گھنٹے میں گرفتار آلہ قتل برآمد

لورالائی(ڈیلی گرین گوادر)لورالائی میں پولیس کی کامیاب کاروائی اندھے قتل کیس کا ملزم 24 گھنٹے میں گرفتار آلہ قتل بھی برآمد کر لیا گیا۔ ڈپٹی انسپکٹر جنرل آف پولیس لورالائی نزیر احمد کرد اور ایس ایس پی لورالائی محمد ظفر کی خصوصی ہدایات پرزیر نگرانی ایس ڈی پی او کلیم اللہ ایس ایچ او عبدالرحمان لونی کے سربراہی میں پولیس ٹیم محمد انور جلالزئی، اے ایس آئی گلانور ناصر اور پولیس ٹیم نے کاروائی کرتے ہوئے مقدمہ فرد نمبر 11/024 بجرم 302 ت پ میں کامیاب کاروائی کرتے ہوئے گزشتہ شب ریڈیو اسٹیشن موڑ کے قریب امیرخان لونی قتل کیس کے مرکزی ملزم نعیم خان لونی ساکن لونی حال لورالائی کو 24 گھنٹے کے اندر گرفتار کرلیا اور انکے قبضے سے واردات میں استعمال ہونے والا پستول بھی برآمد کر لیا مزید تفتیش جا ری ہے۔