پسنی،پہاڑوں میں چھپائی گئی 8 ارب ،21 کروڑ کی چرس برآمد
پسنی(ڈیلی گرین گوادر)کوسٹ گارڈز نے بلوچستان کے ضلع پسنی میں کارروائی کرتے ہوئے اربوں روپے مالیت کی چرس برآمد کر لی۔ترجمان پاکستان کوسٹ گارڈز کے مطابق پسنی سے ساڑھے 1700 کلو گرام سے زائد چرس برآمد کی گئی۔
کوسٹ گارڈز کے ترجمان نے مزید بتایا کہ کہ منشیات پسنی کے علاقے کولانچ کے پہاڑوں میں چھپائی گئی تھی، پکڑی جانے والی منشیات کی عالمی مارکیٹ میں مالیت تقریباً 29.28 ملین ڈالرہے جو پاکستانی کرنسی میں 8 ارب 21 کروڑ 71 لاکھ روپے سے زائد بنتی ہے۔
واضح رہے کہ کچھ عرصہ قبل بلوچستان کے ضلع قلعہ عبداللہ میں منشیات کے خلاف ایف سی بلوچستان (نارتھ)، و دیگر اداروں نے مشترکہ آپریشن کرکے کئی ہزار کلو منشیات برآمد کرکے منشیات فروشوں کے کمپائونڈ مسمار کر دیئے تھے۔
