راولپنڈی میں گاڑی پر فائرنگ،بچی سمیت 3 افراد جاں بحق

راولپنڈی(ڈیلی گرین گوادر)راولپنڈی کے تھانہ چونترہ کی حدود میں گاڑی پر فائرنگ کا واقعہ پیش آیا ہے، جس کے نتیجے میں آٹھ سالہ بچی سمیت تین افراد جاں بحق ہوگئے۔پولیس کا کہنا ہے کہ مقتولین کی گاڑی پر فائرنگ مخالف فریق کی جانب سے کی گئی۔

پولیس کا کہنا ہے کہ مرنے والوں میں شجاع یونس، عاطف اور انابیہ شامل ہیں جبکہ فلک شیر، ثاقب اور تابندہ زخمی ہیں۔لاشوں کو پوسٹ مارٹم اور زخمیوں کو علاج کیلئے اسپتال منتقل کر دیا گیا ہے، جبکہ سی پی او نے واقعے کا نوٹس لیتے ہوئے ملزمان کی فوری گرفتاری کا حکم دے دیا۔