کوئٹہ کے سیوریج کے پانی میں پولیو وائرس کی تصدیق
اسلام آباد(ڈیلی گرین گوادر) وزارت صحت نے بلوچستان کے دارالحکومت کوئٹہ کے سیوریج کے پانی میں پولیو وائرس کی موجودگی کی تصدیق کردی۔وزارت صحت کی جانب سے جاری اعلامیے کے مطابق کوئٹہ سے سیوریج کے پانی کے دو نمونوں میں پولیو وائرس پایا گیا ہے۔
ترجمان وزارت صحت کا کہنا ہے کہ پولیو پروگرام کا سرویلنس نظام موثر انداز میں کام کررہا ہے تاہم لوگوں کی نقل مکانی کے باعث پولیو وائرس سامنے آرہا ہے۔وزارت صحت کے ترجمان کا کہنا ہے کہ نقل مکانی کرنے والی آبادیوں کیلئے جامع حکمت عملی تیار کرلی گئی ہے۔
