بلاول بھٹو کیلئے دلہن کا انتخاب کر لیا گیا ، منگنی 15 یا 16 دسمبر کو ہو گی

کراچی (ڈیلی گرین گوادر)پاکستان پیپلز پارٹی کے چیئرمین بلاول بھٹو کیلئے مبینہ طور پر دلہن کا انتخاب کر لیا گیا ہے ، ان کی منگنی 15 یا 16 دسمبر کو ہو گی۔

پیپلز پارٹی کے ذرائع نے بتایا ہے کہ بلاول بھٹو کی منگی ممکنہ طور پر کراچی یا متحدہ عرب امارات میں ہو گی جس کی تیاریاں شروع کر دی گئی ہیں تاہم حتمی مقام ابھی سامنے نہیں آ سکا۔بلاول کیلئے دلہن کا انتخاب ان کی بہنوں بختاور بھٹو اور آصفہ بھٹو زرداری نے ملکر کیا ہے ، اس سلسلے میں بختاور بھٹو کے سسر محمود نے اپنی بہو کی معاونت کی۔

ذرائع کے مطابق بلاول بھٹو کی ہونیوالی بیوی کا تعلق سندھ سے بتایا جا رہا ہے اور ان کا خاندان مستقل طور پر یو اے ای میں مقیم ہے۔ بختاور بھٹو کی اپنی ہونیوالی بھابھی سے ملاقات بھی یو اے ای میں ہوئی تھی، اس کے بعد آصفہ بھٹو، صنم بھٹو، فریال تالپور اور آصف زرداری سب نے ملکر بلاول کیلئے دلہن کا انتخاب کیا۔ذرائع کا کہنا ہے کہ منگنی کی تقریب متحدہ عرب امارات میں ہونے کا قوی امکان ہے اور اس سلسلے میں 15 یا 16 دسمبر کی تاریخ بتائی جا رہی ہے۔