عوام نے جس انداز میں استقبال کیا وہ ہمیشہ یاد رکھوں گا، سردارزادہ انعام شاہ کھیتران

بارکھان(ڈیلی گرین گوادر) پاکستان پیپلزپارٹی کے رہنماء سردارزادہ انعام شاہ کھیتران پی پی پی میں شمولیت اختیارکرنے کے بعد اتوار کووہ پنجاب سے بارکھان کیلئے روانہ ہوئے تو انکے چاہنے والے اور پارٹی ورکروں نے ہزاروں کی تعداد میں پاکستان پیپلز پارٹی کے پرچم اٹھا کررکنی میں انکا والہانہ استقبال کیا۔اور سردارزادہ انعام شاہ کھیتران کو ریلی کی صورت میں بارکھان تک پہنچایا۔جہاں سردارزادہ انعام شاہ کھیتران ریلی کے اختتام پر اپنے چاہنے والوں اور پارٹی ورکروں سے خطاب کرتے ہوئے انکا بے حد شکریہ ادا کیا اور کہا کہ انہیں جو عزت عوام نے بخشی ہے وہ قابل تحسین ہے۔وہ بلا رنگ ونسل علاقے کی عوام کیلئے دن رات ڈیرہ غازی خان میں خدمت کیلئے سرگرم ہیں۔جو استقبال عوام نے کیا وہ ہمیشہ یاد رکھوں گا عوام کی خدمت کیلئے میں چوبیس گھنٹے تیار ہوں۔انہوں نے رکنی اور بارکھان کے عوام کا ایک بارپھر شکریہ ادا کیا ہے۔