سردار بیبرگ مینگل کی وفات سے پیدا ہو نے والا خلاء کبھی پر نہیں ہوگا، میر اعجاز خان سنجرانی

نوکنڈی (ڈیلی گرین گوادر)بلوچستان عوامی پارٹی کے مرکزی رہنما سابق مشیر وزیر اعلیٰ بلوچستان میر اعجاز خان سنجرانی نے ٹریفک حادثے میں بلوچستان عوامی پارٹی اور خان پینل کے سینئر رہنما سردار بیبرگ مینگل کی شہادت پر گہرے دکھ اور افسوس کا اظہار کرتے ہوئے کہا کہ سردار بیبرگ مینگل کی وفات سے پیدا ہو نے والا خلاء کبھی پر نہیں ہوگا مرحوم ایک بہترین شخصیت کے مالک تھے جنکی علاقے میں خدمات کو یاد رکھا جائے گا اور مینگل قوم کے توانا چشم و چراغ اور امید تھے، میر اعجاز خان سنجرانی نے کہا سردار بیبرگ مینگل کی یادیں ہمیشہ ہمارے دل میں زندہ رہیں گے اس دکھ کی مشکل گھڑی میں سوگوار خاندان کے غم میں برابر کے شریک ہیں دعا ہے کہ اللہ تعالیٰ شہید کو اپنے جوار رحمت میں جگہ دے اور پسماندگان کو صبر جمیل عطاء فرمائے۔