صحافی جان مہر قتل کیس، نامزد مرکزی ملزم شیرو مہر پر 50 لاکھ انعام مقرر کرنے کی سفارش

سکھر (ڈیلی گرین گوادر)ایس ایس پی سکھر کا کہنا ہے کیس کے مرکزی ملزم شیرو مہر نے جرائم پیشہ افراد کی مدد حاصل کر رکھی ہے، قاتلوں کی گرفتاری کیلئے آپریشن کا دائرہ وسیع کر دیا ہے۔ ایس ایس پی سکھر عرفان سموں نے صحافی جان محمد مہر قتل کیس میں نامزد مرکزی ملزم شیرو مہر کی گرفتاری پر پچاس لاکھ انعام مقرر کرنے کی سفارش کر دی۔ تفصیلات کے مطابق صحافی جان محمد مہر قتل کیس میں ایس ایس سکھر عرفان سموں نے آئی جی سندھ کو خط لکھا ، جس میں قتل کیس میں نامزد مرکزی ملزم شیرو مہر پر 50 لاکھ انعام مقرر کرنے کی سفارش کی۔ ایس ایس پی سکھر کا کہنا ہے کیس کے مرکزی ملزم شیرو مہر نے جرائم پیشہ افراد کی مدد حاصل کر رکھی ہے، قاتلوں کی گرفتاری کیلئے آپریشن کا دائرہ وسیع کر دیا ہے۔ عرفان سموں نے بتایا کہ ملزم شیرو مہرکی گرفتاری کیلئے کچے، شاہ بیلو، رضاگوٹھ کے کچے میں آپریشن جاری ہے۔ ان کا مزید کہنا تھا کہ ملزمان کو سہولت، پناہ دینے والے ہر شخص کیخلاف کارروائی ہوگی، ملزمان کے گرد گھیرا تنگ کر دیا، جلد گرفت میں ہوں گے۔