لاہورمیٹرو بس انتظامیہ بھی بجلی چوری میں ملوث نکلی، جرمانہ عائد

لاہور(ڈیلی گرین گوادر)لاہور میٹرو بس انتظامیہ بھی بجلی چوری میں ملوث نکلی۔چیف ایگزیکٹو لیسکو کے مطابق لاہور میٹرو بس انتظامیہ کے زیر استعمال میٹر کا ایک فیز ڈیڈ تھا۔میٹرو بس انتظامیہ کو ڈٹیکشن بل کی مد میں 24ہزار یونٹ چارج کیے ہیں ۔انسداد بجلی چوری مہم بلا تفریق جاری رہے گی۔

دوسری جانب وحدت روڈ کے علاقے میں لیسکو حکام نے کارروائی کرتے ہوئے میٹر ریڈر کو بجلی چوری کرتے رنگے ہاتھوں پکڑ لیا۔لیسکو میٹر ریڈر ٹرانسمیشن لائن سے کنڈا لگا کر بجلی چوری کر رہا تھا،ملزم کالج روڈ سب ڈویژن میں بطور میٹر ریڈر فرائض سر انجام دیتا ہے،ملزم کے خلا ف تھانہ وحدت کالونی میں مقدمہ درج کروا دیا گیاہے۔