کوئٹہ، سابق صوبائی وزراء سمیت سیا سی و قبائلی رہنماؤں نے پیپلز پارٹی میں شمولیت اختیار کر لی

کوئٹہ(ڈیلی گرین گوادر)بلو چستان عوامی پارٹی، پی ٹی آئی اور مسلم لیگ (ن) سے تعلق رکھنے والے سابق صوبائی وزراء سمیت سیا سی و قبائلی رہنماؤں نے پاکستان پیپلز پارٹی میں شمولیت اختیار کر لی۔ تفصیلات کے مطابق جمعرات کو پاکستان پیپلزپارٹی پارلیمنٹرینز کے صدر آصف علی زرداری کوئٹہ کے علا قے جناح ٹاؤن میں پیپلز پارٹی کے رہنماء ملک شاہ گو رگیج کی رہائشگا ہ پر گئے جہاں پر بلو چستان سے تعلق رکھنے والے سابق صوبائی وزراء اور قبائلی رہنماؤں نے ان سے ملاقات کی،سابق صدر مملکت آصف علی زرداری سے ملاقات کے بعد سابق صوبائی وزراء سردارسرفراز ڈومکی،میرنصیب اللہ مری، سیا سی و قبائلی رہنماؤں میر حربیار ڈومکی، میرلیاقت لہڑی، ولی خان غیبزئی،علاؤالدین کاکڑ، سابق رکن صوبائی اسمبلی ثمینہ شکیل بلوچ، میر حسن خان، میر دوران خان، ملک ساجد بنگلزئی، انعام کھیتران، میر دوران خان کھوسہ، ڈاکٹر گل بہار کھو سہ، میر امجد کھو سہ، شارخ کھو سہ، اکرم آوارانی، میر بالاچ رودینی، میر نور احمد ملازئی، میر غلام حیدر، میرعثمان حیدر، اکبر خان اچکزئی، سر دار آصف مینگل، امین جان مینگل، مینا مجید سمیت دیگر نے پیپلز پارٹی میں شمولیت اختیار کر لی۔ اس موقع پر سابق صدر آصف علی زررانی نے بلوچستان عوامی پارٹی، پی ٹی آئی اور مسلم لیگ ن سے پی پی پی میں شامل ہونے والے سیاسی رہنماؤں کو خوش آمدیدکہا اور پارٹی پر چم والے مفلر پہنائے، اس موقع پر آصف زرداری کے ہمراہ نواب ثنااللہ زہری، عبدالقادر بلوچ، سردارسربلند جوگیزئی، عارف حسنی، عمر گورگیج، ظہور بلیدی، نور احمد بنگلزئی، ندیم خان، ملک شاہ گورگیج، علی مدد جتک، میر نعمت زہری، غلام رسول عمرانی، بلال مندوخیل و دیگر بھی موجود تھے۔