کالام،سیاحوں کی گاڑی کھائی میں جا گری،3 جاں بحق، 20 زخمی

سوات (ڈیلی گرین گوادر)سوات کی وادی کالام میں سیاحوں کی گاڑی کھائی میں گرنے سے 3 سیاح جاں بحق اور 20 زخمی ہو گئے گئے۔

پولیس کے مطابق سیاحو کی گاڑی کو کالام میں پشمال کے مقام پر حادثہ پیش آیا۔ مقامی افراد اور پولیس نے امدادی کارروائی کرتے ہوئے زخمیوں کو کالام اسپتال منتقل کر دیا۔ زخمیوں میں 7 کی حالت تشویشناک بتائی جا رہی ہے۔

حکام کا کہنا ہے کہ سیاحوں کا تعلق پنجاب سے ہے جو سیر کیلئے آئے ہوئے تھے کہ واپسی پر حادثے کا شکار ہو گئے ، نگران وزیر اعلیٰ خیبر پختونخوا نے حادثے میں ہلاکتوں پر افسوس کا اظہار کیا ہے۔