مولانا عبدالغفور حیدری نے زمینداروں کے مسائل کے حل کیلئے نگران وزیراعظم سے وقت مانگ لیا

کوئٹہ(ڈیلی گرین گوادر) جمعیت علما اسلام کے مرکزی سیکرٹری جنرل سینیٹر مولانا عبدالغفورحیدری نے زمینداروں کے مسائل کے حل کیلئے نگران وزیراعظم سے وقت مانگ لیا۔جمعیت علما اسلام کے مرکزی سیکرٹری جنرل سینیٹر مولانا عبدالغفور حیدری سے بلوچستان کے زمینداروں نے ملاقات کی، عبدالغفور حیدری نے کہا کہ واپڈا کی بلوچستان کے زمینداروں کے ساتھ ظلم و زیادتی حد سے بڑھ گئی ہے، اس سے پہلے بھی زمینداروں نے اپنے مطالبات کے سلسلے میں احتجاج اور دھرنا دیا مگر شنوائی نہیں ہوئی۔مولانا عبدالغفورحیدری نے کہا کہ نگران وزیراعظم سے ملاقات میں ان کے مسائل پر بات کروں گا، جمعیت علما اسلام زمینداروں کے ساتھ کھڑی ہے۔