پروفیسر ڈاکٹر منظور بلوچ کو تربت یونیورسٹی میں داخل ہونے سے روک دیا گیا
تربت (ڈیلی گرین گوادر) بلوچ ادیب و بلوچستان یونیورسٹی میں براہوئی ڈیپارٹمنٹ کے چیئرمین پروفیسر ڈاکٹر منظور بلوچ کو تربت یونیورسٹی میں داخل ہونے سے روک دیا گیا۔
پروفیسر ڈاکٹر منظور بلوچ اپنے دورہ مکران کے موقع پر تربت یونیورسٹی کے وزٹ پر پہنچے تو انہیں جامعہ تربت کے گیٹ پر روک دیا گیا اور اندر جانے کی اجازت نہیں دی گئی۔واضح رہے کہ منظور بلوچ طلبا کے ایک تعلیمی سیشن میں خطاب کرنے والے تھے۔
طلباء، اساتذہ اور سیاسی و سماجی حلقوں کی جانب سے جامعہ تربت ایڈمنسٹریشن کے اس اقدام کی بھرپور مذمت کی جارہی ہے، تاہم یونیورسٹی کی طرف سے اب تک کوئی موقف سامنے نہیں آیا ہے۔
