کراچی،ٹرین کی زد میں آکر نگراں وزیر میرخدا بخش مری کا بھائی جاں بحق
کراچی(ڈیلی گرین گوادر) اسٹیل ٹاؤن گھگرپھاٹک قادرنگر کے قریب ٹرین کی زد میں آکر نگراں صوبائی وزیر کا حقیقی بھائی جاں بحق ہو گیا.
تفصیلات کے مطابق اسٹیل ٹاؤن تھانے کےعلاقے گھگھرپھاٹک قادرنگر کے قریب ٹرین کی زد میں آکرایک نوجوان جاں بحق ہوگیا ، جس کی شناخت محمد حسن مری کے نام سے کی گئی۔متوفی نوجوان کی لاش قانونی کارروائی کے لیے قریبی اسپتال منتقل کی گئی ہے ، ایس ایس پی ملیرطارق الہیٰ مستوئی نے بتایا کہ ٹرین حادثے میں جاں بحق ہونے والا نوجوان نگراں صوبائی وزیر میرخدا بخش مری کا حقیقی بھائی ہے۔
متوفی نوجوان مال مویشی کو دیکھنے علاقے میں گیا تھا جہاں کچھ اور مہانوں نے بھی آنا تھا ، متوفی نوجوان کانوں میں ہینڈ فری لگا کرگھوم رہا تھا اور چلتے چلتے ٹرین کی پٹری پر آگیا اوراچانک ٹرین کی ٹکر سے موقع پر جاں بحق ہو گیا۔کہ پولیس موقع پر موجود ہے اور واقعے کی کئی پہلوؤں سے تحقیقات کی جا رہی ہیں۔ دوسری جانب علاقہ مکینوں کا کہنا ہے کہ متوفی نوجوان بکریاں چراتےہوئے ٹرین کی زد میں آکر جاں بحق ہوا ہے ۔۔۔
