مہاجر بھائیوں کو سرد موسم میں جلد بازی سے پاکستان بدر کرنے کا حکمرانوں کی دھمکی افسوس ناک عمل ہے ، نواب اسلم خان رئیسانی

کوئٹہ (ڈیلی گرین گوادر)چیف آف ساراون سابق وزیر اعلی جمعیت علما اسلام کے مرکزی رہنما نواب اسلم خان رئیسانی نے کہا ہے کہ ہمارے ہمسایہ افغان مہاجر بھائیوں کو سرد موسم میں جلد بازی سے پاکستان بدر کرنے کا حکمرانوں کی دھمکی افسوس ناک عمل ہے سماجی رابطے کے ویب سائٹ (ایکس)پر اپنے ایک جاری کردہ پیغام میں کہا ہے کہ حکمرانوں کا کینڈا میں سکھ ہردیپ سنگھ نجار کے قتل کی مذمت اور افسوس غم اور افغانوں کو ناراض کرنا اپنے ہمسایہ خالصتانیوں کو خوش کرنا عجیب حکمرانوں کا عجب طرز عمل ہے انہوں نے کہا کہ بلوچ پشتون کی یہ روایات نہیں ہے کہ بھائی کو مہمان کہ کر احسان فراموش کہیں افغانستان ہمارا دوسرا گھر ہے سخت وقت میں افغانوں نے یہاں ہم نے وہاں پناہ لی روس کے خوف سے اسلام آباد میں افغانوں کی مدد حاصل کی اور انہیں زبردستی واپس بھیجنے سے ناراضگی بڑی اور کریک ڈاون والوں کے خلاف نفرت زیادہ ہے۔