جو افغان پاکستان میں قانونی طور پر رہ رہے ہیں انہیں تنگ نہ کیا جائے،ایمل ولی خان

مالاکنڈ(ڈیلی گرین گوادر) عوامی نیشنل پارٹی (اے این پی) کے رہنما ایمل ولی خان کا کہنا ہے کہ درخواست ہے افغانیوں کے ساتھ عزت کے ساتھ پیش آئیں۔ ایسی پالیسی بنائیں، جس سے افغانی عزت کے ساتھ رہ سکیں۔

مالاکنڈ میں جلسے سے خطاب کرتے ہوئے ایمل ولی خان نے کہا کہ ہم مانتے ہیں کہ غیرقانونی رہائش قابل قبول نہیں، افغان شہریوں کا معاملہ مختلف ہے۔

ایمل ولی خان نے مزید کہا کہ جو افغان پاکستان میں قانونی طور پر رہ رہے ہیں انہیں تنگ نہ کیا جائے۔انہوں نے یہ بھی کہا کہ 8 فروری کو پختون عوام نکلیں گے اور اپنے مستقبل کو ترجیح دیں گے۔