اسرائیلی فوج نے ممتاز فلسطینی کارکن عہد تمیمی کو گرفتار کر لیا

غزہ(ڈیلی گرین گوادر) اسرائیلی فوج نے ممتاز فلسطینی کارکن عہد تمیمی کو گرفتار کر لیا۔فلسطینی میڈیا کے مطابق اسرائیلی فوج کی جانب سے ممتاز فلسطینی کارکن عہد تمیمی ، فتح پارٹی کے رہنما رفت اولیان سمیت 50 افراد کو بھی گرفتار کر لیا گیا ہے۔فلسطینی کارکن عہد تمیمی کو دہشتگردی کے فروغ کے الزام میں گرفتار کیا گیا ہے، فتح پارٹی کے رہنما کو مقبوضہ بیت المقدس میں اپنے گھرسے گرفتار کرنے کی اطلاعات ہیں۔

فلسطینی میڈیا کے مطابق عہد تمیمی 2012 میں اپنے بھائی کے دفاع میں ایک اسرائیلی فوجی کا مقابلہ کرنے پر مشہور ہوئی تھیں، اس سے قبل اسے 2017 میں دو اسرائیلی فوجیوں کو تھپڑ مارنے کی ویڈیو وائرل ہونے کے بعد گرفتار کیا گیا تھا۔