کراچی میں ضمنی بلدیاتی انتخابات کل ہوں گے، صدر ٹاؤن یوسیز میں ترسیل کا عمل شروع

کراچی(ڈیلی گرین گوادر)کراچی میں ضمنی بلدیاتی انتخابات کل ہوں گے جس کے لئے صدر ٹاؤن کی یوسیز میں ترسیل کا عمل شروع کردیا گیا۔الیکشن کمیشن سندھ کے مطابق صدر ٹاؤن کی یوسیز میں ترسیل کا عمل شروع کردیا گیا ہے اور یوسی 6، 12 اور 13 کا پولنگ سامان پہنچنا شروع ہو گیا جو کہ آر اوز، ڈی آر اوز پریزائیڈنگ آفیسرز کے حوالے کیا جا رہا ہے۔

الیکشن کمیشن سندھ نے کہا کہ ضمنی بلدیاتی انتخابات کے لئے 121 پولنگ اسٹیشنز بنائے گئے، 42 پولنگ اسٹیشن انتہائی حساس اور 72 حساس قرار دے دیے گئے ہیں۔اس کے علاوہ شہر کی 3 یوسی، 2 وائس چیئرمین 4 وارڈ کی نشستوں پر انتخاب ہوگا جس میں کل 2 لاکھ 6 ہزار 686 ووٹرز حق رائے دہی استعمال کریں گے۔