اوتھل، پولیس نے موٹر سائیکل چور کو گرفتار کرلیا
اوتھل (ڈیلی گرین گوادر) انچارج سی آئی اے لسبیلہ محمد امین لاسی کی کامیاب کارروائی کراچی کے تھانہ آرام باغ کے حدود سے چوری شدہ موٹر سائیکل برآمد کرکے موٹر سائیکل لفٹر کو گرفتار کرلیا، ملزم کے خلاف مقدمہ درج۔لسبیلہ پولیس کے ترجمان کی پریس ریلیز کے مطابق ایس ایس پی لسبیلہ کیپٹن(ر) نوید عالم کی خصوصی ہدایت پر سی آئی اے انچارچ لسبیلہ محمد امین لاسی نے کامیاب کارروائی عمل میں لاتے ہوئے دوران چیکینگ مین آر سی ڈی روڈ وایارو اوتھل کے مقام پر کراچی کی سمت سے تیزرفتاری سے آنے والی موٹر سائیکل بغیر رجسٹریشن نمبر کو روکا معلوم کرنے پر موٹر سائیکل سوار نے اپنا نام محمد انور ولد سراج الدین سکنہ نزد ابو لقاسم مسجد کراچی بتایا۔ مزید معلومات کرنے پر پتہ چلا کہ موٹر سائیکل کراچی کے تھانہ آرام باغ کے حدود سے چوری شدہ ہے۔ملزم نے چوری شدہ موٹر سائیکل قبضہ خود میں رکھ کر جرم زیر دفعہ 411 ت پ کا ارتکاب کیا۔جس کے خلاف مقدمہ نمبر 105/2023 تھانہ اوتھل میں درج رجسٹرڈ کیاگیا۔ اوتھل پولیس مزید تفتیش عمل میں لا رہی ہے۔
