ٹھٹھہ واٹر سپلائی ریفرنس میں آصف زرداری سمیت 15 ملزمان طلب

اسلام آباد(ڈیلی گرین گو ادر) احتساب عدالت اسلام آباد میں ٹھٹھہ واٹر سپلائی ریفرنس میں اہم پیش رفت سامنے آئی ہے، احتساب عدالت نے سابق صدر آصف علی زرداری سمیت 15 ملزمان کو طلب کرلیا۔ احتساب عدالت کے جج محمد بشیر نے ٹھٹھہ واٹر سپلائی ریفرنس کی سماعت کی اور اس دوران حکم دیا کہ آصف زرداری سمیت تمام 15 ملزمان عدالت میں پیش ہوں۔

ملزمان میں سابق سیکریٹری اعجاز احمد خان، علی اکبر، اعجاز میمن، علی اکبر ابڑو، خواجہ عبدالغنی مجید، مناہل مجید، عبدالندیم بھٹو شامل ہیں۔عدالت نے تمام ملزمان کو طلبی کے نوٹس جاری کردیے، ملزمان کو 18 دسمبر کو عدالت میں پیش ہونے کی ہدایت کی گئی ہے۔