بلاول بھٹو زرداری سے پی پی بلوچستان کے رہنما عبدالقادر بلوچ کی وفدکے ہمراہ ملاقات، انتخابات کے حوالے سے تفصیلی تبادلہ خیال
کوئٹہ/کراچی(ڈیلی گرین گوادر) پاکستان پیپلزپارٹی کے چیئرمین بلاول بھٹو زرداری سے ہفتہ کو کراچی بلاول ہاوس میں پی پی پی بلوچستان کے رہنما و سابق وفاقی وزیر جنرل (ر) عبدالقادر بلوچ نے ایک وفدکے ہمراہ ملاقات کی۔ ملاقات کے دوران پی پی پی شعبہ خواتین کی مرکزی صدر فریال تالپور بھی ہمراہ تھیں، ملاقات میں بلوچستان کی سیاسی صورت حال کوئٹہ کے بلدیاتی انتخابات اورآنے والے عام انتخابات کے حوالے سے تفصیلی تبادلہ خیال کیا گیا۔
